وه‌يشتِ دل
خودا مه‌ر ريشگِ به‌ختم ده خاكِ سوه ر سه‌ره‌و ناگه
كِ په‌ل په‌ل ژان ٬ کِ په‌ل په‌ل ژيه‌ر ٬ کِ په‌ل په‌ل خه‌م سه‌مه‌ر داگه
نه ئاساره ئ ده چيه‌م وشكێ ، نه مانگه‌شه‌وو تريفه‌ي كه‌ێ
نه وا واده‌ێ وه جي ديارێ ، نه ئه‌ورێ ريفه‌ريفێ كه‌ێ
وه‌هار و پايز و زمسان ول و بێ خه‌ێرو بێوارن
سواقه‌س ئاسمان هه‌ر شه‌وو ، چمان ئوره‌ێل رێوارن
ته‌م و تار و تيه‌ل و تالان ، كيه‌ني هشكه و كزه‌ێ سوزه
په‌ر وو بال په‌ري رزيا ، په‌ر ِ دامان گۆل توزه
زه‌مين زق، ئاسمان زيقه ، چيه‌م خوه‌ر زاق‌و بێ‌نۆره
چنه يه مۆ دياره مانگ ، رێ سه‌د شه‌و ده‌مان دۆره
نه دارێل ِ به‌رۆ چوپي ، نه ئه‌وره‌ێل ده‌س وه ده‌ف كيشن
ده مه‌رز به‌رز شه‌و تا سوو نه ئاسارێل سه‌ف كيشن
نه مانگ شێوه‌ێ ده شه‌رم ِ شه‌و تلاێ له‌ش ده كيه‌ني شورێ
نه دل په‌لپ ِ وه‌جي ماگه ، نه دي ماچ ِ ده ده‌م پورێ
نه چۆزه وشكيه‌و نه‌ي گۆل، نه چيه‌م حه‌زره‌تمه‌نه نه‌ي دل
نه يه‌ئ گر ئاوه باريكه‌ئ ده پاێ كشتِ دوێ ماتل
نه مانگ ليز ئوو كيه‌ني ديارێ ، نه خوه‌ر ده قورن ِ دل جووش
نه وا گل خوه ئ ، نه شه‌و دامان ساق ِ گۆل ده رۆ پووش
نه بوو واران، نه وا شه‌ن كه‌ێ ده عه‌تر گيس نازاران
نه شه‌ونم حال گۆل پرسێ، نه گۆل دل به‌ي ده دلداران
نه ساز ِ هه‌س ، نه راز ِ هه‌س ، نه چۆ جاران خوه‌شي ماگه
فه‌له‌ك رميا ، نه چۆ ئومه خودا خولكێ وه جي ماگه
چ وه‌يشت ِ ها ده ديشت ِ دل ، بهيشت ِ ها ده وه‌يشتِ دل
نه چۆ واسه نه چۆ ئاگر نه چۆ ئاوه نه جور گِل
ـــــــــــــــــــــــــــــــــ
شرح واژگان
ريشگ:ریشه ــ په ل:شاخه ـ ژان:درد ـ ژيه ر:زهر
شه‌و: شب ـ ئاساره:ستاره ـ وشكێ :شکوفا شدن
مانگه‌شه‌و: شب مهتابی ـ تريفه:خودنمایی نور ـ
واده: وعده ـ ئه‌ور:ابرـــ ريفه‌ريف:نم نم باریدن ـ بێوار:بیکار
سواقه:اسمان صاف و سرد ـ رێوار:رهگذرـــ تيه‌ل:تلخ
تالان:برباد رفته ـ كيه‌ني:چشمه ـ توز:گرد و خاک ـ زق:گل الود
زيق : لجن ـ زاق:بی روح ـ دارێل به‌رو: درختان بلوط
چوپي: نمایشی در رقص کردی ـ سوو:صبح ـ مانگ شێوه: ماه رخ
شورێ:می شوید ـ په‌لپ:بهانه ـ پورێ:جمع و جور شدن
چۆزه:گیاه نورس ـ ماتل:معطل ـ لێز:ارام گرفتن ـ قورن دل:از ته دل
شه‌ن:پخش کردن ـ گيس:زلف ـ شه‌ونم:شبنم ـ خولك:خلق و خو
ــــــــــــــــــــــــــــــــــــــ
یک پاکت خالی ( وبلاگ فارسی من) هم بروز شد
http://pakatekhalei.blogfa.com/
نورمراد رضایی- متولد 1357 - تهیه کننده و کارگردان برنامه های تلویزیونی - صداوسیما - اینجا دفتری مجازی است برای ثبت اشعار کوردیم - برداشت مطالب این وبلاگ با ذکر نام منبع امکان پذیر است